30/4/2018: 今日係最後一日去village既日子了！首先去當地村校做探訪，校長好好人，我地將喺香港籌集既文具、玩具、英文書等等用品交比佢。我地亦有入左每個課室進行簡單互動，見到當地小朋友，就送一人一份既文具套裝比佢地。👧🏻👦🏻小朋友們好有禮貌，完全唔會爭先恐後，有啲仲活學活用，同我地講廣東話版、普通話版同英文版既「謝謝」！😍😍
探訪村校後，我地再分3 team工作： 1⃣第1組 - 負責捕魚，我地好比心機，可惜好多只係魚毛仔，真係好細條，唔食得😞 2⃣第2組 - 幫忙準備Baci ceremony，亦即係當地傳統儀式。我地需要執一啲黃色花。維記團長Tiffany好似master左件事，完全融入左當地環境！ 3⃣第3組 - 再次煮野食！今日我地有新菜式：日式咖喱、西檸雞！今日唔止煮香港野仲有老撾菜式，一度唔夠爐用；而且煮煮下落好大雨，所以煮得好趕——不過有點無改變：就係大雜燴同樣係9秒9極速清曬！🍚🍱
Lunch過後，當地有10至12個小學生為我地表演，佢地化曬妝💄，著曬傳統服飾，隆重登場，非常可愛！我地一班團友又點可以唔回禮呢？一個二個大曬個人技能表演Solo，歌舞昇平！
👨🏽🌾👩🏽🌾資深村民開始傳統儀式，用當地語言向大家祝福說話。我地大家互相觸碰，寓意將祝福傳播開去（佢講講下突然開始俾人灑米同黃花，我地估計...都係祝福儀式既一部分既🤔）祝福儀式過後佢地將儀式食物分派比我地，話一定要食晒佢，而且唔可以轉贈他人；又派發手繩叫我地綁係手上，要綁3日，咁先可以令祝福成真😆望住手繩，只係想留耐啲唔想番工住.... :0)
Rotaract Club of Kowloon #racvictoria #rackowloon #Rotaract50th#myRotaractLife #RID3450 #InternationalService #Laos #DiscoverLaos #國際服務 #九維的老撾 #萬象 #維記 #夥伴 #九龍 #送禮勤 #ILoveYou我愛你KhonyHakChao #尞式插花 #自製地獄廚神TeamChallenge2.0 #西檸雞瞬間沽清朕深感欣慰 #BaciCeremony有一堆繩 #小朋友表演好得意 #無限campfire舞 #無限祝福 #無限Beerlao加冰 #Americano加糖 #百萬名跑 #在港莊員表示接受唔到返左好多日工IStrip都未完
