【社區服務 - 「新春暖城行動」真人圖書館 × 平等分享行動日🧧】

新春應該係普天同慶嘅日子，我哋可唔可以將溫暖帶入我哋生活嘅社區角落❓

維記今次同關注草根社區聯盟 (關草聯) @grassroots_alliances 合作🤝🏻，2月28日(日) 喺旺角水渠道社區歇腳點 @nullahspace_，舉辦「真人圖書館」 x 「平等分享行動」🔥。

朝早「真人圖書館」部分📚，我哋邀請咗三位現任清潔工作為真人圖書，分別係清潔工友好姐👵🏻、蟲鼠隊工友娟姐👵🏻同埋退休管工達哥👴🏻。佢哋三位分享工作上嘅趣事、困難同感恩之處，特別係其中一位真人圖書有講到，工作期間希望為自己同工友們爭取更好權益💪🏻，因此勇於反映工友需求；亦有講到自己係做緊一份有尊嚴嘅工作。參加者們聽到都有問好多問題了解。分享完成後，一班參加者亦有寫感謝心意俾真人圖書們，佢哋三位睇到字句亦有感到好窩心🥰。

下午「真人圖書館」部分，參加者吸收朝早分享內容，以街坊身分走進深水埗、大角咀同油麻地社區。今次除咗有日常物品之外，仲有我哋特意製作包含超市現金券嘅利是🧧！大家拎住大包細包，但不忘四處張望，穿梭街巷之間。當日天氣雖然有毛毛雨🌧️，但諗起工友們喺天雨下其實仍然要工作，大家都加緊腳步🏃🏻‍♀️🏃🏻‍♂️，離遠見到身穿螢光黃色背心嘅工友、抑或正鎅紙皮嘅長者們嘅蹤影，都會紛紛跑上前，送上真摰笑容同交流🗣️。

再次感謝 @nullahspace_ 慷慨借出場地，比我哋做集合同感受分享嘅地方。講到物資，我哋好多謝各位有心嘅扶青朋友捐出物資，等我哋可以係當日同街坊分享🫶🏻。同時，我哋有幸再次獲得加減乘除基金 @agentofchangehk 捐助嘅物資。「將社會的物資，重新分享到有需要的人手中。」感謝大家願意同行送暖，以生命影響生命。維記約定大家下次見👊🏻！