top of page
Search

【九維的老撾是日精彩回顧 - Day 5】

遠在老撾既勞動節不太勞動☺ 之前做完幾日service，今日訓晏左同有充足時間享受早餐，仲可以去間鋪頭坐定定食😛。仲可以一口氣去左好多景點，以下帶比大家一啲老撾觀光地標： 1) Buddha Park 2) Ho Pha Keo Temples 3) That Luang Temples 4) Victory Monument (Patuxay) 5) Night Market

今日Lunch時，我地又慶祝左今次嘅Program Facilitators Ou-ee既生日🎂。👬👭另外做左對過去幾日Service and Village Visit既回顧同evaluation。🎵🎶大家唔止表達左自己既諗法同感受，我地都向當地提議左啲改善建議，希望可以帶返比村民，對當地都有長遠而正面影響。

不過今日講明觀光，點會少得打下卡影下大媽照📸 真係影咗好多團體相，仲學平時大媽跳廣場舞咁，喺Victory Monument前跳咗兩隻老撾舞💃🏽🕺🏽。同時又認識左唔同寺廟以及當地佛教既歷史，先知原來當地宗教文化同社會背景密不可分。

知唔知咩係📈 🚾🚽「廁所龍虎榜」？因為我地超過1半團友都唔舒服（拿，一定只係水土不服，唔關食咗自己煮既事...🤔😌），我地個個都變左toilet radar，去每個景點都識留意有冇廁所。有啲地方去廁所仲要比老撾幣2000（即港幣2蚊），團友會對個廁所評分值唔值得去，等其他團友自己決定跟唔跟隊。🙋🏻‍♀🙋🏻‍♂

其實...我地仲發生件小插曲，就係除左部分團友水土不服，今日我地有位團友發生小意外，整親手入咗醫院😭😭 好彩佢縫左傷口同打左針，已經冇事，而且我地有當地人帶住，可以即時知醫院位置同埋解決溝通障礙。⚠所以誠心告誡大家，出外旅行除左要玩得開心，仲要加倍小心‼

－－－－－－－－－

🔸🔹🔶🔷老撾知多一點點：

1⃣呢度天氣變化好大，一時陽光普照，但轉頭就行雷落大雨，變幻莫測，仲難明過女人心...:0) 所以最好帶遮常伴你左右 2⃣入當地寺廟女孩子要著當地嘅裙，所以我地既女團友向HJA volunteer借左裙，靚到啲在港莊員都想買 3⃣入當地寺廟要除鞋，以示尊重🤗


9 views0 comments
bottom of page