今日繼續去Thongmang Village，而今日既service活動就更具體！我地同樣都係分三組： 1⃣第1組 - 負責幫當地農場加建佢地嘅office同休息地方。我地跟佢地學習簡單起樓方法，有擔水泥、鋪水泥，真係好努力，一日成果就幫忙expand咗成一倍！ 2⃣第2組 - 負責喺農場拆除greenhouse頂上既竹棚。我地要用紥竹、拆竹、拆棚等等。一班年輕既local farmer個個都係熟手技工，小薯們睇到佢地所用既方法，不禁為之驚嘆！（雖然好似有少少牙煙... 😨😅） 3⃣第3組 - 負責清理田地間既垃圾。垃圾數量老實講都幾多，草叢間亦有燒過既痕跡，隨地都會搵到膠袋、膠片、玻璃碎。因為當地年紀愈輕既小朋友👧🏻👦🏻通常唔會有鞋著（我地估計可能因小朋友易快高長大，家中未必負擔到新鞋既費用），佢地會經常赤腳係田地跑，咁就十分危險⚠希望可以幫到少少手！
🍳🍗🍚🍱所謂「民以食為天」，點會無得食呢？我地本身分左5個隊員成為煮野食小隊，後來因為天雨，其他建設工作小組成員提早暫停工作，最後變左全民皆兵：14個一齊落手煮比50人嘅份量！琴日果餐係佢地整既Laos cuisine，今日到我地主場當然就整Hong Kong local food啦！🥘
雖然煮食用具非常原始，但我地好用心。唔好講笑，大家分工合作，成為工廠流水生產線；洗菜、切材料、慢炒、調味、上碟... 一碟碟港式風味上桌🤩 雞翼、洋蔥雞柳、粟米湯、三色椒炒豬柳、肉醬意粉、青蒜炒菜 —— 大家非常享受我哋準備既食物，讚不絕口，樣樣餸都好去得！仲有位70幾歲婆婆👵🏽，佢同我地講今次我地既港式美食係佢第一次食既異國菜！！
加油，聽日繼續會有新挑戰！
Rotaract Club of Kowloon #racvictoria #rackowloon #Rotaract50th #myRotaractLife #RID3450#InternationalService #Laos #DiscoverLaos #國際服務 #九維的老撾 #萬象 #維記 #夥伴 #九龍 #真人Overcooked #自製地獄廚神TeamChallenge #NoRedTeamOrBlueTeamJustOneTeam #煮飯俾50人食真係可以寫落CV #五餸一湯白飯夠你裝 #原來當地烏蠅唔吼港式餸菜 #聽日再黎過Orz #熱烈歡迎領導親自蒞臨指導炊事工作 #YMCA隻舞真係萬能 #好raw嘅起樓方法 #好raw嘅拆棚方法 #好raw嘅廢物處理 #ISTrip終於齊人 #不過仲係爭個喼神 #喼呀喼你去到邊
